31 جنوری ، 2022 
کراچی: چھینے گئے رکشے میں وارداتیں کرنیوالے ملزمان گرفتار
31 جنوری ، 2022
کراچی: پولیس نے چھینے گئے رکشے میں وارداتیں کرنے والے دو ملزمان کو گرفتار کرلیا۔
پولیس کے مطابق ایک ملزم پنجاب کے ضلع لودھراں میں 14 سے زائد مقدمات میں نامزد اور مطلوب ہے۔
پولیس کا بتانا ہےکہ ڈیفنس تھانے کی حدود ڈیفنس فیز 2 ایکسٹینشن میں رکشے میں سوار 2 ملزمان نے لوٹ مار کی اور فرار ہوگئے تھے جس کی اطلاع ملنے پر پولیس نے کارروائی کرکے دونوں ملزمان صغیر احمد اور محمد ارشد کو گرفتار کرلیا جن کے قبضے سے چھینا گیا رکشہ، اسلحہ اور موبائل فون برآمد کرلیے گئے ہیں۔
پولیس کے مطابق گرفتار ملزم صغیر احمد اس گروہ کا سرغنہ ہے جو پنجاب کے ضلع لودھراں میں مختلف جرائم کے 14 مقدمات میں نامزد ملزم ہے، ملزم کے گرفتار ساتھی ارشد کے کرمنل ریکارڈ کی بھی چھان بین کی جا رہی ہے۔
پولیس کا کہنا ہےکہ ملزمان کے تین ساتھی فرار ہوگئے ہیں جن کی گرفتاری کے لیے چھاپے مارے جا رہے ہیں۔
