وزیراعلیٰ پنجاب عثمان بزدار سے جہانگیر ترین گروپ کے رہنماؤں کی ملاقات

لاہور : وزیر اعلیٰ پنجاب عثمان بزدار سے تحریک انصاف کے جہانگیر ترین گروپ کے رہنماؤں کی ملاقات ہوئی ہے۔

ملاقات کرنےوالوں میں ترین گروپ کےفیصل حیات جبوانہ اور مہر اسلم بھروانہ شامل ہیں۔

اطلاعات کے مطابق دونوں ارکان پنجاب اسمبلی نے وزیر اعلیٰ عثمان بزدار کی قیادت پر اعتمادکا اظہار کیا۔

اس موقع پر وزیراعلیٰ پنجاب عثمان بزدار نے کہا کہ پارٹی میں اختلافات پیدا کرنے کی کوئی کوشش کامیاب نہیں ہوگی، سازشی عناصر کے ہاتھ کچھ نہیں آئے گا، اپوزیشن کو عدم اعتماد کی تحریک میں عبرتناک شکست ہوگی،

عثمان بزدار نے مزید کہا کہ اپوزیشن سےکوئی خطرہ نہیں، حکومت اپنی آئینی مدت پوری کرےگی۔