17 مارچ ، 2022 
ویڈیو: عالیہ حمزہ بھی آپے سے باہر، ٹاک شو میں غیر پارلیمانی الفاظ ادا کردیے
17 مارچ ، 2022
پاکستان تحریک انصاف (پی ٹی آئی) کی رہنما عالیہ حمزہ سندھ ہاؤس میں پی ٹی آئی کے منحرف ارکان اسمبلی کے معاملے پر سیاستدانوں پر برس پڑیں اور لائیو پروگرام میں طوائف کو سیاستدانوں سے بہتر کہہ ڈالا۔
نجی ٹی وی کے ٹاک شو میں بات کرتے ہوئے عالیہ حمزہ نے کہا ہے کہ افسوس اس بات کا ہے کہ آج یہ سیاست دان بے نقاب ہوئے ہیں۔
انہوں نے یہ بھی کہا کہ ’یہ سب دیکھ کر کہنا چاہوں گی کہ اچھی ہے ان سے طوائف۔‘
اس دوران انہوں نے سندھ ہاؤس اسلام آباد اور وہاں موجود لوگوں کیلئے بھی غیر پارلیمانی الفاظ استعمال کیے۔
عالیہ حمزہ کا کہنا تھا کہ آج ہم اس سیاست میں گندگی اور غلاظت لے آئے ہیں اور معذرت کے ساتھ انہیں یہ الفاظ استعمال کرنے پڑ رہے ہیں۔
انہوں نے کہا کہ پی ڈی ایم آج سیاست کو واپس 90ء کی دہائی میں لے گئی ہے۔
قبل ازیں شہباز گل نے بھی ٹاک شو میں پی ٹی آئی کے منحرف رکن قومی اسمبلی رمیش کمار کو گالی دے دی تھی۔
مزید خبریں :
سندھ حکومت کا سول کورٹ رولز میں ترمیم کا فیصلہ
49 منٹ پہلے
بیلاروس کے صدر 3 روزہ دورے پر اسلام آباد پہنچ گئے
6 گھنٹے پہلے
