22 مارچ ، 2022 
ویڈیو: کراچی کے علاقے صدر میں فائرنگ، سابق ایس ایچ او ہلاک
22 مارچ ، 2022
کراچی: صدر میں فائرنگ سے سابق ایس ایچ اور برطرف پولیس افسر چاند نیازی اپنے ساتھی سمیت ہلاک ہوگئے۔
پولیس کے مطابق لیاری کے سابق ایس ایچ او اور برطرف پولیس افسر چاند نیازی اپنے ساتھی عبدالرحمان بلوچ کے ساتھ عدالت میں پیشی کے بعد واپس جا رہے تھے کہ صدر کے مصروف ترین علاقے میں موٹر سائیکل پر سوار 2 ملزمان نے انہیں فائرنگ کرکے قتل کیا۔
ڈی آئی جی شرجیل کھرل نے بتایا کہ اسی طرح کے واقعے میں کچھ عرصہ قبل ایک اور برطرف پولیس افسر جاوید بلوچ کو سولجر بازار میں نشانہ بنایا گیا تھا، یہ سابقہ پولیس افسر لیاری گینگ وار میں ارشد پپو قتل کیس میں گواہ تھے۔
شرجیل کھرل نے کہا کہ سابق اور موجودہ واردات میں طریقہ واردات ایک ہی ہے اس میں واقعے کو دیکھا جائے گا کہ دونوں کا آپس میں کتنا تعلق ہے۔
پولیس کاکہنا ہےکہ سابق پولیس افسر چاند نیازی ارشد پپو قتل کیس میں ملزم تھے جب کہ ان کا مقتول ساتھی عبدالرحمان محکمہ تعلیم بلوچستان کا ملازم تھا۔
پولیس کے مطابق دو حملہ آور مقتولین کا تعاقب کرتے آرہے تھے، واقعہ ٹارگٹڈ لگتا ہے، جائے وقوعہ سے نائن ایم ایم کے تین خول ملے ہیں۔
