08 اپریل ، 2022
عالمی ریکارڈ قائم کرنے کے لیے لوگ طرح طرح کے کرتب اور کارنامے کرتے نظر آتے ہیں جس میں وہ جان جوکھم میں بھی ڈالنا پسندکرتے ہیں۔
سوشل میڈیا پر ان دنوں ایک ایسی ہی دل دہلا دینے والی ویڈیو وائرل ہے جو گنیز ورلڈ ریکارڈ کے انسٹاگرام اکاؤنٹ سے شیئر کی گئی ہے۔
ویڈیو میں موجود شخص کو دو پیراشوٹ کے درمیان بندھی رسی پر بنا کسی سہارے فضا میں چلتے دیکھا جاسکتا ہے۔
شیئر کی گئی پوسٹ میں بتایا گیا ہے کہ رافیل زگنو بریدی نے 6236 فٹ کی بلندی پر سلیک لائن (دو غباروں کے درمیان بندھی رسی پر چل کر ) نیا ورلڈ ریکارڈ قائم کیا۔
وائرل ویڈیو میں رافیل نامی شخص کو رسی پر سنبھل کر قدم رکھتے چلتے دیکھا جاسکتا ہے۔