18 اپریل ، 2022 
پنجاب اسمبلی: پولیس اہلکاروں پر تشددکرنیوالے ارکان کی شناخت ہوگئی،گرفتاریوں کا امکان
18 اپریل ، 2022
پنجاب اسمبلی میں پولیس اہلکاروں پر تشدد کرنے والے ارکان اسمبلی کو فوٹیجز کی مدد سے شناخت کر لیا گیا۔
گزشتہ روزپنجاب اسمبلی میں ہونے والے واقعے کی فوٹیجزکاریکارڈحاصل کیا گیا تھا،24 گھنٹوں میں اس حوالے سے اہم گرفتاریوں کاامکان ہے۔
تشدد کرنے والےارکان کے خلاف مقدمہ درج کرنے اور انہیں گرفتارکرنےکا فیصلہ کرلیا گیا ہے۔
وائرل ویڈیوز میں فیاض چوہان، عمرتنویر، راناشہباز، خیال کاسترو، حافظ عماریاسر، مہندرسنگھ پال، واثق قیوم عباسی، نوابزادہ وسیم، تیمورسعود شامل ہیں۔
پولیس پر تشددکرنے والوں میں خواتین ارکان اسمبلی بھی شامل ہیں۔عابدہ راجہ،مومنہ وحید، زینب عمر، شاہدہ احمد اور آسیہ امجدکوبھی تشدد کرتےدیکھا جاسکتا ہے ۔
خیال رہےکہ ڈپٹی اسپیکرپرتشدد کرنے والے ارکان اسمبلی کےخلاف پہلے ہی مقدمہ درج کیا جاچکا ہے۔
