22 اپریل ، 2022 
پاکستان
عمران خان نے آئی ایم ایف کے ساتھ پاکستان کی خود مختاری کا سودا کیا: خواجہ آصف۔ فوٹو: فائل
آئی ایم ایف سے کیے گئے وعدے جان بوجھ کر توڑے گئے: وزیر خزانہ
22 اپریل ، 2022
وفاقی وزیر خزانہ مفتاح اسماعیل کا کہنا ہے کہ گزشتہ حکومت نے آئی ایم ایف سے کیے گئے کچھ وعدے جان بوجھ کر اور کچھ وعدے نااہلی سے توڑے۔
لندن میں میڈیا سے گفتگو کرتے ہوئے مفتاح اسماعیل کا کہنا تھا کہ پاکستان میں مہنگائی دنیا میں تیسرے نمبر پر ہے۔
بعد ازاں سابق وزیراعظم نواز شریف سے ملاقات کے بعد وزیر خزانہ آئی ایم ایف سے مذاکرات کے لیے واشنگٹن کے لیے روانہ ہو گئے۔
دوسری جانب وزیر دفاع خواجہ محمد آصف نے کہا ہے کہ عمران خان نے آئی ایم ایف کے ساتھ پاکستان کی خود مختاری کا سودا کیا، ہم اسٹیٹ بینک کی خود مختاری کے قانون کو ریورس کریں گے، گورنر اسٹیٹ بینک کی مدت ملازمت ختم ہو رہی ہے، ان کی خدمات مزید درکار نہیں ہیں۔
