10 جولائی ، 2022
مون سون بارشوں کے پیش نظر محکمہ موسمیات نے آج سے ملک میں مون سون ہواؤں کا نیا سسٹم داخل ہونے کی وارننگ جاری کر دی ہے۔
اسلام آباد، راولپنڈی، لاہور ، گوجرانوالہ ڈویژن اور کراچی سمیت سندھ کےساحلی علاقوں اور بلوچستان میں عید کے تینوں دن بارشوں کا امکان ہے۔
گزشتہ روز ملکہ کوہسار مری میں بارش ہوئی، ایبٹ آباد، حیدرآباد، بھکر، راجن پور، ڈیرہ بگٹی، لوئر دیر، باجوڑ میں بھی بادل برسے۔
دادو میں کھیر تھرپہاڑی سلسلے میں بارشوں کے بعد ندی نالوں میں طغیانی، کاچھو میں بارشوں کے بعد کاشتکاروں کا خوشی کا اظہار، ڈھول کی تھاپ پر رقص کرتے رہے۔