18 فروری ، 2012 
اسپاٹ فکسنگ کے الزامات بے بنیاد ہیں، کلیئر ہوچکا ہوں، دانش کنیریا
18 فروری ، 2012
کراچی . . . . . پاکستانی اسپنر دانش کنیریا نے انگلش کرکٹر مارون ویسٹ فیلڈ کے اسپاٹ فکسنگ کرانے کے الزامات کی سختی سے تردید کرتے ہوئے کہا ہے کہ میں بے قصور ہوں اور انگلش پولیس مجھے پہلے ہی کلیئر کرچکی ہے۔ نیشنل اسٹیڈیم میں میڈیا سے گفتگو کرتے ہوئے پاکستان کے لیگ اسپنر دانش کنیریا نے کہا ہے کہ میں بے قصورہوں، مارون ویسٹ فیلڈ کے مجھ پرلگائے گئے الزامات بے بنیاد ہیں، انگلش پولیس مجھے پہلے ہی کلیئرکرچکی ہے۔ انہوں نے کہا کہ انگلش کاوٴنٹی کرکٹر کے الزامات کا مجھ پر کوئی دباوٴ نہیں اور میری تمام توجہ کرکٹ پر ہے۔ کنیریا نے مزید کہا کہ ویسٹ فیلڈ کے الزامات سے متعلق میرا وکیل جائزہ لے کر اعلامیہ جاری کرے گا۔ واضح رہے کہ انگلش کاوٴنٹی کرکٹر مارون ویسٹ فیلڈ کو اسپاٹ فکسنگ کے الزام میں لندن کی عدالت نے 4 ماہ قید کی سزا سنائی تھی اور انہوں نے عدالت میں یہ بیان دیا تھا کہ دانش کنیریا نے انہیں اسپاٹ فکسر سے ملایا تھا۔
مزید خبریں :
آئی سی سی نے چیمپئنز ٹرافی کے شیڈول کا اعلان کر دیا
4 گھنٹے پہلے
کراچی میراتھون 2025 کے فنشر میڈلز کی رونمائی کردی گئی
10 گھنٹے پہلے
ویسٹ انڈیز نے دورہ پاکستان کیلئے 15 رُکنی اسکواڈ کا اعلان کر دیا
24 دسمبر ، 2024
سابق بھارتی کرکٹر کی طبیعت ناساز، اسپتال میں داخل
24 دسمبر ، 2024
