ماں نے قوت سماعت وگویائی سے محروم 4 سالہ بیٹی کو عمارت سے پھینک دیا،بچی ہلاک

بھارت میں ایک خاتون نے  قوت سماعت و گویائی سے محروم اپنی 4 سالہ بیٹی کو عمارت سے  پھینک دیا۔

بھارتی میڈیا رپورٹس کے مطابق یہ افسوس ناک واقعہ گزشتہ روز بنگلورو میں پیش آیا جہاں خاتون نے اپنی 4 سالہ بیٹی کو عمارت کے چوتھے فلور سے نیچے پھینک دیا۔فرش پر گرنے کی وجہ سے بچی فوراً ہلاک ہوگئی۔

ابتدائی رپورٹس کے مطابق خاتون بیٹی کے قوت سماعت و گویائی سے محروم ہونے کی وجہ سے بظاہر افسردہ رہتی تھی اور اسی وجہ سے اس نے بچی کو عمارت سے نیچے پھینک دیا۔

بھارتی میڈیا کا کہنا ہے کہ واقعہ پیش آنے کے بعد شوہر کی جانب سے شکایت درج کروانے کے بعد خاتون کو گرفتار کرلیا گیا ہے۔

ماں نے دو ماہ کی بچی کو قتل کرکے لاش مائیکروویو میں چھپادی

پڑوسیوں نے خاتون کو 4 سالہ بچے کو پیٹتے ہوئے سنا لیکن جب انہیں روکا گیا تو انہوں نے دروازہ لاک کرلیا: پولیس

رپورٹس کے مطابق خاتون ڈینٹسٹ جبکہ شوہر سافٹ ویئر انجینیئر ہے۔

پولیس کا کہنا ہے کہ ہم کیس کی تمام زاویوں سے تفتیش کررہے ہیں اور  ماں کی ذہنی صحت کے بارے میں بھی تحقیقات کی جارہی ہیں۔