19 اگست ، 2022
گوگل نے اپنے صارفین کو مشورہ دیا ہے کہ وہ گوگل کروم براؤزر کو فوری اپ ڈیٹ کرلیں۔
گوگل کی جانب سے بتایا گیا کہ اس نے کروم ویب براؤزر کے لیے نئی اپ ڈیٹس جاری کی ہیں۔
ان اپ ڈیٹس کا مقصد سکیورٹی خامیوں کو ختم کرنا ہے بالخصوص ایک سکیورٹی بگ زیادہ خطرناک ہے۔
مجموعی طور پر 11 سکیورٹی بگز کی روک تھام کے لیے گوگل کروم میں اپ ڈیٹس جاری کی گئی ہیں۔
عموماً گوگل کروم خودکار طور پر اپ ڈیٹ ہوجاتا ہے۔ اگر آپ کو معلوم نہیں کہ براؤزر اپ ڈیٹ ہوچکا ہے یا نہیں تو تھری ڈاٹ مینیو پر کلک کرکے سیٹنگز میں جائیں۔
وہاں اباؤٹ کروم پر کلک کریں جو پیج کے بائیں جانب سب سے نیچے ہوگا۔
اس کے بعد کروم کی جانب سے بتایا جائے گا کہ براؤزر اپ ٹو ڈیٹ ہے، اگر نہیں ہوگا تو وہ اپ ڈیٹ ہونا شروع جائے گا۔
اس کے بعد بس ری لانچ کریں گے تو کروم اپ ڈیٹ ہوجائے گا۔