22 اگست ، 2022 
پاکستان
فوٹو:فائل
شہباز گِل نے مبینہ بھوک ہڑتال ختم کر دی
22 اگست ، 2022
پاکستان تحریک انصاف( پی ٹی آئی) کے رہنما شہباز گل نے مبینہ بھوک ہڑتال ختم کر دی۔
اسپتال ذرائع کے مطابق شہباز گل کو ڈاکٹروں اور پولیس حکام نے کھانا کھانے پر رضامند کیا جس کے بعد پی ٹی آئی رہنما نے رات کا کھانا کھایا۔
واضح رہے کہ عدالت کے حکم پر اسپتال منتقل کیے گئے شہباز گل نے گزشتہ روز کچھ بھی کھانے پینے سے انکار کر دیا تھا۔
ذرائع پمز اسپتال کا بتانا تھا کہ شہباز گل ہفتے کی رات سےکچھ بھی کھانے سے انکار کر رہے ہیں، شہباز گل کھانے پینے کی کوئی اشیا نہیں لے رہے۔
یاد رہے کہ کچھ روز قبل عدالت نے پولیس کی جانب سے شہباز گل کے مزید جسمانی ریمانڈ کی استدعا مسترد کرتے ہوئے انہیں پیر تک پمز اسپتال میں رکھنے اور ان کا دوبارہ میڈیکل کرانے کا حکم دیا تھا۔
