پاکستان سے بیرون ملک جانے والے مسافروں سے 7 کلو ہیروئن برآمد
28 اگست ، 2022
ائیرپورٹ سکیورٹی فورس نے کراچی اور لاہور میں کارروائی کرتے ہوئے بیرون ملک جانے والے 2 ملزمان کو گرفتار کر کے ان کے قبضے سے 7 کلوگرام ہیروئن برآمد کر لی۔
ترجمان ائیرپورٹ سکیورٹی فورس کے مطابق لاہور سے بینکاک جانے والے مسافر سے 5.12کلوگرام ہیروئن برآمد کی گئی جبکہ کراچی سے سعودی عرب جانے والے مسافر کے سامان سے1.47کلو گرام آئس برآمد ہوئی۔
اےایس ایف ترجمان نے بتایا کہ دونوں ملزمان کو ابتدائی تفتیش کے بعد اے این ایف حکام کے حوالےکر دیا گیا ہے۔
