31 اگست ، 2022 
عمران خان کی کل انسداد دہشتگردی عدالت میں پیشی متوقع
31 اگست ، 2022
خاتون مجسٹریٹ کو دھمکی دینے کے کیس میں پاکستان تحریک انصاف کے چیئرمین عمران خان کی کل انسداد دہشتگردی عدالت میں پیشی متوقع ہے۔
خاتون مجسٹریٹ زیبا چوہدری اور اسلام آبادپولیس کے سینیئر افسران کو دھمکیاں دینے کے کیس میں چیئرمین تحریک انصاف عمران خان کی یکم سمتبر تک عبوری ضمانت کی درخواست منظور کی گئی تھی جس کے بعد کل عمران خان کی اسلام آباد کی انسداد دہشتگردی عدالت میں پیشی متوقع ہے۔
گزشتہ سماعت پر عمران خان کی جانب سے وکیل بابراعوان نے عدالت کے روبرو دلائل دیےتھے۔
خیال رہے کہ 20 اگست کو سابق وزیراعظم عمران خان نے شہباز گل پر مبینہ تشدد کے خلاف آئی جی اور ڈی آئی جی اسلام آباد پرکیس کرنےکا اعلان کیا تھا جبکہ شہباز گل کا ریمانڈ منظور کرنے والی خاتون مجسٹریٹ زیبا چوہدری کو نام لےکر دھمکی بھی دی تھی۔
