کراچی میں ڈینگی کیسز میں 100 فیصد اضافہ
17 ستمبر ، 2022
کراچی میں ڈینگی کے وار تیزی سے جاری ہیں اور شہر میں ایک دن میں ڈینگی کیسز میں 100 فیصد اضافہ ریکارڈ کیا گیا۔
طبی ماہرین کے مطابق گزشتہ 24گھنٹوں میں 403 افراد میں ڈینگی وائرس کی تصدیق ہوئی ہے۔
اسی حوالے سے ماہرین کا مزید کہنا ہے کہ مریضوں کی اصل تعداد کہیں زیادہ ہونے کا خدشہ ہے اور اسپتالوں پر ڈینگی مریضوں کا دباؤ بڑھتا جا رہا ہے۔
اس کے علاوہ قومی ادارہ برائے صحت نے ڈینگی کے کسی نئے ویرینٹ کی تردید کردی ہے۔
طبی ماہرین کے مطابق ڈینگی وائرس کی چار قسمیں ہیں اور کوئی نیا اسٹرین یا ویرینٹ سامنے نہیں آیا۔
