پاکستان جونیئر لیگ کے کھلاڑیوں کا نیشنل ہائی پرفارمنس سینٹر میں ٹریننگ کا آغاز

پاکستان جونیئر لیگ کے کھلاڑیوں نے نیشنل ہائی پرفارمنس سینٹر میں ٹریننگ کا آغاز کردیا۔

پاکستان جونیئر لیگ کے کھلاڑیوں نے پاتھ وے پروگرام کے کوچز کی نگرانی میں نیشنل ہائی پرفارمنس سینٹر میں تین گھنٹے کا بھرپور ٹریننگ سیشن کیا، ٹریننگ سیشن میں ملکی اورغیر ملکی کھلاڑیوں نے حصہ لیا، کھلاڑیوں نے نیٹ پر بولنگ اور بیٹنگ کے مشقیں کیں، فزیکل فٹنس اور فیلڈنگ ڈرلز بھی کی گئیں۔

 پاکستان جونیئر لیگ کے لیے 19 غیر ملکی کھلاڑی لاہور پہنچ چکے ہیں باقی پانچ غیر ملکی کھلاڑی اگلے دو روز میں لاہور پہنچیں گے۔

پاکستان جونیئر لیگ میں شرکت کیلئے 12 غیر ملکی کھلاڑی لاہور پہنچ گئے

پاکستان جونیئر لیگ میں شامل ٹیموں کو چار دن ٹریننگ کا موقع ملے گا، لیگ کا آغاز 6 اکتوبر سے ہوگا۔

 غیر ملکی کھلاڑی نیشنل ہائی پرفارمنس سینٹر میں ٹریننگ کی سہولیات سے مطمئن دکھائی دیے اور جم کر ٹریننگ کی۔

واضح رہے کہ  پاکستان جونیئر لیگ 6 اکتوبر سے لاہور میں شروع ہوگی۔