26 اکتوبر ، 2022 
پاکستان
جامشورو میں ٹریفک حادثہ، 2 غیر ملکی شہری اور انکا پاکستانی ڈرائیور زخمی
26 اکتوبر ، 2022
جامشورو میں خانوٹ کے قریب ٹریفک حادثے میں غیر ملکی شہری زخمی ہو گئے۔
ذرائع کے مطابق جامشورو میں خانوٹ کے قریب غیر ملکی شہریوں کی گاڑی مزدا سے ٹکرا گئی، حادثے میں دو غیر ملکی شہری اور ان کا پاکستانی ڈرائیور زخمی ہوا۔
زخمی عبداللہ کاطمی اور سہیل متحدہ عرب امارات کے شہری ہیں، زخمیوں کو فوری طبی امداد کے لیے لمس جامشورو اسپتال منتقل کر دیا گیا ہے۔
پولیس کا کہنا ہے کہ مزدا کو اپنی تحویل میں لے کر تحقیقات شروع کر دی گئی ہیں۔
