28 اکتوبر ، 2022 
پاکستان
ڈاکو بینک کی وین سے پیسوں سے بھرے 2 بیگ چھین کر فرار ہو گئے: پولیس۔ فوٹو فائل
سی پی او کی ہدایت پر پولیس افسران موقع پر پہنچ گئے ہیں: پولیس۔ فوٹو پنڈی پولیس
راولپنڈی میں ڈاکوؤں نے بینک کی کیش وین لوٹ لی
28 اکتوبر ، 2022
راولپنڈی میں مسلح ڈاکوؤں نے بینک کی کیش وین لوٹ لی۔
پولیس کے مطابق تھانہ سول لائنزکے علاقے مریڑ چوک میں 6 ڈاکوؤں نے بینک کی کیش وین لوٹی، گارڈزوین سے نقدی بھرے بیگ نکال کر بینک میں دینے جا رہے تھے کہ ڈاکو بینک کی وین سے پیسوں سے بھرے 2 بیگ چھین کر فرار ہو گئے۔
پولیس کا کہنا ہے کہ مزاحمت پر ڈاکوؤں نے وین کے 2 سکیورٹی گارڈز کو زخمی کر دیا۔
ترجمان راولپنڈی پولیس کا کہنا ہے کہ سی پی او کی ہدایت پر پولیس افسران موقع پر پہنچ گئے ہیں، واقعے کی سی سی ٹی وی ویڈیو حاصل کی جا رہی ہے اور بینک ملازمین سے بھی تفتیش جاری ہے۔
