31 اکتوبر ، 2022
پاکستان میں ایک اور نئی ائیر لائن کا اضافہ ہوا ہے جسے نجی شعبہ آپریٹ کرے گا۔
’فلائی جناح' کی افتتاحی تقریب کا انعقاد کراچی میں ہوا، فلائی جناح کی تعارفی پرواز کا اسلام آباد روانگی سے فضائی آپریشن کا آغاز کیا جائے گا۔
فلائی جناح کی کراچی سے اسلام آباد، لاہور اور پشاور کے لیے روزانہ براہ راست پروازیں آپریٹ ہوں گی۔ کراچی اور کوئٹہ کے درمیان ہفتے میں 4 پروازیں آپریٹ کی جائیں گی۔
خیال رہے کہ پاکستان میں ائیر بلیو، شاہین ائیر، سیال ائیر بھی نجی شعبوں کے اشتراک سے آپریٹ کر رہی ہیں۔