اکتوبر میں مہنگائی کی شرح 26.6 فیصد ریکارڈ کی گئی: ادارہ شماریات

اسلام آباد: ادارہ شماریات نے ملک میں ماہانہ مہنگائی کے اعداد و شمار جاری کردیے۔

ادارہ شماریات کی رپورٹ کے مطابق اکتوبر کے مہینے میں مہنگائی میں اضافہ ہوا اور ماہانہ بنیادوں پر افراط زر کی شرح 26.6 فیصد ریکارڈ کی گئی۔

ملک میں ایل پی جی کی قیمت میں مزید اضافہ کردیا گیا

ایل پی جی 2 روپے 95 پیسے فی کلو مہنگی کی گئی ہے جس کے بعد فی کلو ایل پی جی کی نئی قیمت 204 روپے 16پیسے ہوگئی ہے

ادارہ شماریات کے مطابق گزشتہ سال اکتوبر میں افراط زر کی شرح 9.2 فیصد ریکارڈ کی گئی تھی۔

اکتوبر 2022 میں دیہاتوں میں افراط زر کی شرح 27.85 فیصد ریکارڈ کی گئی، شہروں میں افراط زر کی شرح 23.90 فیصد رہی۔

ادارہ شماریات کا کہنا ہے کہ اکتوبر میں پیاز، ٹماٹر، پھل، سبزیاں، چائے، آٹا، چاول، دال مونگ و دیگر اشیاء مہنگی ہونے والی اشیاء میں شامل ہیں۔