01 نومبر ، 2022 
پاکستان
کراچی واٹر بورڈ کی K-3 کی مرکزی سپلائی لائن پر ائیر وال کی پلیٹ چوری
01 نومبر ، 2022
کراچی کے علاقے احسن آباد میں واٹر بورڈ کی K-3 منصوبے کی 84 انچ قطر کی مین سپلائی لائن پر نامعلوم افراد نے واردات کی۔
ہیون سٹی کے قریب ائیر وال کی پلیٹ چوری کیے جانے سے پانی کے فوارے پھوٹ پڑے، اس لائن سے نارتھ کراچی، سرجانی ٹاؤن اور حب پمپنگ اسٹیشن تک متبادل سپلائی دی جاتی ہے جو کچھ دیر کے لیے معطل ہوئی۔
واٹر بورڈ کے عملے نے ہنگامی کارروائی کرکے پانی کا غیر معمولی رساؤ بند کردیا۔ واٹر بورڈ ذرائع کے مطابق ائیر وال کی مرمت کیلئے ہدایات جاری کر دی گئی ہیں۔
