03 نومبر ، 2022 
پاکستان کا اسپن اٹیک اچھا ہے جسے کھیلنے کیلئے کام کررہے ہیں: آئرش ویمن کرکٹر
03 نومبر ، 2022
آئرلینڈ ویمن کرکٹ ٹیم کو لاہور میں مختلف کنڈیشنز کا سامنا ہے لیکن مہمان کھلاڑی کنڈیشنز سے جلد از جلد ہم آہنگ ہونے کی کوشش کر رہی ہیں۔
آئر لینڈ ویمن کرکٹ ٹیم کی اسپنر لیہا پال نے جیو نیوز سے گفتگو کرتے ہو ئے کہا کہ کنڈیشنز کا عادی ہونے کے لیے ہم انجوائے کررہے ہیں، ہمیں یہاں جو تجربہ مل رہا ہے ہم سب اس سے لطف اندوز ہورہے ہیں، ہماری ٹیم کی زیادہ تر کھلاڑی پہلی مرتبہ اس خطے میں آئی ہیں، کنڈیشنز مختلف ہیں لیکن ہم سب یہاں کھیلنے کے لیے پرجوش ہیں۔
آف اسپنر نے کہا ہمارا فوکس یہ ہے کہ پہلے میچ سے قبل موسم سے ہم آہنگ ہو جائیں، مختلف کنڈیشنز میں کھیلنا ایک چیلنج ہوتا ہے لیکن میں سمجھتی ہوں کہ یہاں کھیلنے سے ہماری ڈیولپمنٹ ہوگی، ہمارا کھیل بہتر ہو گا اور کیرئیر میں اس کا فائدہ ہوگا۔
لیہا پال کا کہنا تھاکہ ماضی میں پاکستان ٹیم کے خلاف کھیلنے کا موقع مل چکا ہے، ہمیں اندازہ ہے کہ پاکستان کا اسپن اٹیک اچھا ہے، اس لیے ہم اسپن اٹیک کو کھیلنے پر کام کررہے ہیں،ہم منتظر ہیں کہ پاکستانی پچز پر کھیلنا کیسا ہے، باؤنس کتنا ہے، اس کے لیے ہم جتنا جلد ہو سکے کنڈیشنز سے ہم آہنگ ہونے کی کوشش کر رہے ہیں۔
واضح رہے پاکستان اور آئر لینڈ کی ویمن کرکٹ ٹیموں کے درمیان تین ون ڈے میچز کی سیریز کا پہلا میچ کل قذافی اسٹیڈیم لاہور میں کھیلا جائے گا۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
