04 نومبر ، 2022 
پاکستان
مسافر نے ہیروئن اپنے ٹرالی بیگ کے ہینڈل اور بیگ کے اندر موجود لیپ ٹاپ میں مہارت سے چھپا رکھی تھی: اے ایس ایف/ فوٹو جیونیوز
اسلام آباد: شارجہ جانیوالے مسافر کے لیپ ٹاپ اور جوتوں سے ہیروئن برآمد
04 نومبر ، 2022
اسلام آباد سے شارجہ جانے والے مسافر کے لیپ ٹاپ، جوتوں اور بیگ سے ہیروئن برآمد کرلی گئی۔
ائیرپورٹ سکیورٹی فورس کے مطابق مسافر شاہ زمان شارجہ جانے کے لیے اسلام آباد ائیرپورٹ پر پہنچا تھا، مسافر نے ہیروئن اپنے ٹرالی بیگ کے ہینڈل اور بیگ کے اندر موجود لیپ ٹاپ میں مہارت سے چھپا رکھی تھی جب کہ اس نے اپنے پہنے ہوئے جوتوں میں بھی منشیات چھپائی۔
اے ایس ایف کے مطابق ملزم سے مجموعی طور پر 1.098 کلو گرام ہیروئن برآمد کی گئی ہے جب کہ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔
