07 نومبر ، 2022 
ایسا لگتا ہے سوریا کمار یادیو الگ سیارے سے آیا ہے: وسیم اکرم
07 نومبر ، 2022
سابق کپتان وسیم اکرم بھی بھارتی کھلاڑی سوریا کمار یادیو کی شاندار بیٹنگ پر ان کی تعریف کیے بغیر نہ رہ سکے۔
نجی اسپورٹس چینل کے شو میں گفتگو کرتے ہوئے وسیم اکرم نے کہا کہ مجھے تو لگتا ہے کہ سوریا کمار یادیو کسی اور سیارے سے آیا ہے ، وہ کسی بھی کھلاڑی سے مکمل طور پر مختلف ہے اور وہ واحد بیٹر ہے جس نے ٹی ٹوئنٹی 2022 میں اپنے 1000 رنز مکمل کیے ہیں اور وہ پہلے بھارتی کھلاڑی ہیں جنہوں نے ٹی ٹوئنٹی ورلڈکپ میں اپنے 1000 رنز مکمل کیے، انہوں نے بھارت کے لیے چوتھی تیز ترین ففٹی کی۔
سابق کپتان کا کہنا تھا کہ وہ غیر یقینی کھلاڑی ہے ، ایسا لگتا ہے کہ وہ بے خوف کھلاڑی ہے جو ڈرتا نہیں ہے، جب وہ بیٹنگ کرے تو مزہ آرہا ہوتا ہے۔
دوسری جانب وقار یونس نے کہا کہ سوریا کمار کی بیٹنگ پر بولر سوچ رہا ہوتا ہے کہ جاؤں تو جاؤں کہاں۔
یاد رہے کہ ٹی ٹوئنٹی ورلڈ کپ میں بھارت نے زمبابوے کو 71 رنز کے بڑے مارجن سے شکست دے کر گروپ 2 میں8 پوائنٹس کے ساتھ پہلی پوزیشن حاصل کرلی۔
بھارت کی جانب سے سب سے عمدہ بیٹنگ سوریا کمار یادیو نے کی تھی جنہوں نے 25 گیندوں پر 61 رنز 4 چھکوں اور 6 چوکوں کی مدد سے بنائے ، زمبابوے کے شان ولیمز نے 2 وکٹیں حاصل کیں۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
