10 نومبر ، 2022 
ٹی ٹوئنٹی ورلڈکپ کی ٹرافی کونسی ٹیم اٹھائے گی؟ ڈویلیئرز نے اپنی رائے بتادی
10 نومبر ، 2022
جنوبی افریقا کے سابق کپتان اور اسٹائلش بیٹر اے بی ڈویلیئرز نے ٹی ٹوئنٹی ورلڈکپ جیتنے والی ٹیم کے حوالے سے اپنی رائے کا اظہار کیا ہے۔
گزشتہ روز کھیلے گئے سیمی فائنل میں پاکستان نے نیوزی لینڈ کو 7 وکٹوں سے شکست دیکر فائنل کے لیے کوالیفائی کر لیا ہے۔
ٹی ٹوئنٹی ورلڈکپ کا دوسرا سیمی فائنل آج بھارت اور انگلینڈ کی ٹیموں کے درمیان کھیلا جائے گا اور جو ٹیم بھی جیتے گی اسے فائنل میں پاکستان کا سامنا ہو گا۔
اس حوالے سے سابق کرکٹرز اور کرکٹ ماہرین کی جانب سے اپنی آرا ظاہر کی جا رہی ہیں، کوئی پاکستان کو فائنل کے لیے فیورٹ قرار دے رہا ہے تو کوئی بھارت کو فیورٹ قرار دے رہا ہے۔
اس حوالے سے جنوبی افریقا کے سابق ٹیسٹ کرکٹر اور کپتان اے بی ڈویلیئرز نے بھی اپنی رائے کا اظہار کیا ہے۔
بھارتی میڈیا سے گفتگو کرتے ہوئے اے بی ڈویلیئرز کا کہنا تھا بھارت ایک بہت ہی اچھی ٹیم ہے اور اس کے پاس ورلڈ کلاس بیٹرز اور پاور ہٹر موجود ہیں۔
سابق جنوبی افریقی کرکٹر کا کہنا تھا مجھے پوری امید ہے کہ ٹی ٹوئنٹی ورلڈکپ کی ٹرافی بھارت اٹھائے گا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
