10 نومبر ، 2022 
ویڈیو: فائنل میں پہنچنے کے بعد رضوان نے عرفان پٹھان سے کیا بات کی؟
10 نومبر ، 2022
ٹی ٹوئنٹی ورلڈ کپ کے سیمی فائنل میں شاندار فتح کے بعد اوپنر محمد رضوان نے بھارتی میڈیا کو انٹرویو دیا جس میں انہوں نےمیچ پرفارمنس سمیت دیگر موضوعات پر گفتگو کی۔
محمد رضوان نے سڈنی کرکٹ گراؤنڈ میں بھارتی اینکر اور سابق کرکٹر عرفان پٹھان کو انٹرویو دیا جب کہ بھارت سے ویڈیو لنک کے ذریعے سابق کرکٹرز آکاش چوپڑا اور ہربھجن سنگھ نے بھی بات کی۔
رضوان نے میچ پلاننگ سے متعلق کہا کہ 'کپتان اور میں جب گراؤنڈ میں داخل ہوئے تو ہم نے یہی سوچا تھا کہ نئی گیند پر اٹیک کرنا ہے، جو منصوبہ بنایا اسے تکمیل تک پہنچایا، ہمارا صرف یقین ہے کہ تمام کھلاڑی جُڑ کر رہیں'۔
ہربھجن کا سوال:
سابق اسپنر ہربھجن سنگھ نے سوال کیا کہ 'رضوان اتوار کے روز جب جنوبی افریقا کا مقابلہ نیدرلینڈز سے ہو رہا تھا اور آپ سوچ رہے ہوں گے کہ بس اب یہ آخری میچ ہوگا ہمارا اور پھر جیت کر کوالیفائی کیا تو آپ لوگوں کے ذہنوں میں کیا تھا؟'
رضوان نے کہا 'ہمیں بھارت کے خلاف پہلے میچ میں شکست کے بعد افسوس ہوا تھا لیکن ہمت نہیں ہاری، نیدرلینڈز کی جیت کی دعائیں ہم نے اور پورے پاکستان نے کیں'۔
محمد رضوان نے کہا 'ہم نیدرلینڈز اور جنوبی افریقا کے میچ سے جتنا محظوظ ہوئے، آج تک کسی میچ سے نہیں ہوئے'۔
واضح رہے کہ ٹی ٹوئنٹی ورلڈ کپ کا فائنل اتوار کو میلبرن کرکٹ گراؤنڈ میں کھیلا جائے گا جس کے لیے پاکستان کوالیفائی کر چکا ہے۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
