11 نومبر ، 2022 
’ ٹوٹے ہوئے ، شدید اداس، زخمی‘، انگلینڈ سے عبرتناک شکست کے بعد پانڈیا کا ردعمل
11 نومبر ، 2022
ٹی ٹوئنٹی ورلڈکپ کے دوسرے سیمی فائنل میں انگلینڈ کے ہاتھوں عبرتناک شکست کے بعد بھارتی آل راؤنڈر ہاردک پانڈیا کا مایوسی سے بھرا ردعمل سامنے آگیا۔
ٹوئٹر پر ٹیم کی ٹی ٹوئنٹی ایونٹ سے لی گئی مختلف تصاویر شیئر کرتے ہوئے ہاردک نے جذبات سے بھری ایک ٹوئٹ کی جس میں درج تھا کہ ٹوٹے ہوئے ، شدید اداس، زخمی، جسے قبول کرنا ہم سب کے لیے مشکل ہے۔
ہاردک نے بھارتی ٹیم کے کھلاڑیوں کے لیے اپنی ٹوئٹ میں لکھا کہ میں نے اس باؤنڈ کو انجوائے کیا جسے ہم نے ترتیب دیا ہم ہر قدم پر ایک دوسرے کے لیے لڑے۔
آل راؤنڈر نے اپنی ٹوئٹ میں مزید لکھا کہ سپورٹنگ اسٹاف کا شکریہ جنہوں نے مہینوں ہمیں محنت اور لامتناہی لگن کے ساتھ سپورٹ کیا۔
بھارتی کھلاڑی نے اپنی ٹوئٹ میں سپورٹ کرنے والے مداحوں کے لیے بھی چند تصاویر شیئر کیں اور لکھاکہ ہم مداحوں کے سپورٹ پر ان کے شکر گزار رہیں گے، ایسا نہیں ہونا تھا لیکن ہم غور کریں گے اور لڑتے رہیں گے۔
واضح رہے کہ ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے بدترین شکست دے کر فائنل کے لیے کوالیفائی کرلیاہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
