04 دسمبر ، 2022
انگلینڈ کے کرکٹر جو روٹ نے پاکستان اور انگلینڈ کے درمیان جاری ٹیسٹ میچ میں ساتھی کرکٹر جیک لیچ کے سر سے گیند چمکانے کے پیچھے چھپے راز سے پردہ اٹھایا ہے۔
انگلینڈ اور پاکستان کے ٹیسٹ میچ کے تیسرے روز ایک ویڈیو منظرِ عام پر آئی جو کافی مقبول ہوئی، ویڈیو میں جو روٹ نے ساتھی کرکٹر لیچ کی کیپ اتاری اور ان کے سر سے گیند مسل دی۔
روٹ نے لیچ کے سر پر بال کم ہونے کی وجہ سے سر کے مختلف حصوں پر گیند لگائی اور اپنا کام کرتے ہوئے خاموشی سے آگے بڑھ گئے۔
اس حوالے سے جو روٹ نے کہا کہ 'اچھی گیند کے لیے کسی نا کسی طرح نمی حاصل کرنی ہوتی ہے، اس طرح کی فلیٹ وکٹ پر گیند کو گھومنے کے لیے اس پر کچھ وزن کی ضرورت ہوتی ہے'۔
انگلش کرکٹر کا کہنا تھا کہ 'جیک لیچ کی طرح کا ایک اچھا پسینے والا، گنجا سر گیند پر نمی حاصل کرنے کے لیے بہترین تھا، جیک کے پاس اچھا چہرہ ہونے کے علاوہ بھی اچھی چیز ہے، وہ کافی طرح سے ہمارے لیے مفید ثابت ہوتا ہے'۔