19 دسمبر ، 2022 
پاکستان
فوٹو: فائل
پنجاب اسمبلی کی ممکنہ تحلیل روکنےکیلئے لاہور ہائیکورٹ میں درخواست دائر
19 دسمبر ، 2022
پنجاب اسمبلی کی ممکنہ تحلیل روکنےکے لیے لاہور ہائی کورٹ میں درخواست دائر کردی گئی۔
ہائی کورٹ میں درخواست ٹوبہ ٹیک سنگھ کے شہری نے دائر کی ہے جس میں چیئرمین پاکستان تحریک انصاف (پی ٹی آئی) عمران خان اور وزیراعلیٰ پنجاب کو بذریعہ پرنسپل سیکرٹری فریق بنایا گیا ہے۔
درخواست میں گورنرپنجاب کو بھی بذریعہ پرنسپل سیکرٹری اور چیف الیکشن کمشنرکو بھی فریق بنایا گیا ہے۔
درخواست میں موقف اختیار کیا گیا ہے کہ عمران خان کےکہنے پر اسمبلی تحلیل کرنا آئین اور قانون کے خلاف ہوگا، عمران خان اپنے مفاد کے لیے پنجاب اسمبلی کو تحلیل کرنا چاہتے ہیں۔
درخواست گزار نے استدعا کی ہےکہ پنجاب اسمبلی کی تحلیل روکنے کے لیے عدالت حکم جاری کرے۔
