23 دسمبر ، 2022 
مونس نے عمران خان سے مشورے کے بعد پرویز الٰہی کی انڈرٹیکنگ وکیل کے حوالے کی
23 دسمبر ، 2022
وزیراعلیٰ پنجاب پرویز الٰہی کے بیٹے مونس الٰہی نے سابق وزیراعظم عمران خان سے مشورے کے بعد پرویز الٰہی کی انڈرٹیکنگ وکیل علی ظفر کے حوالے کی۔
ذرائع کے مطابق عدالت کی جانب سےانڈرٹیکنگ کاکہنے پربیرسٹرعلی ظفرنے پرویزالٰہی سے رابطہ کیا جس پر انہوں نے انڈرٹیکنگ لکھ کر مونس الٰہی کے حوالے کی۔
ذرائع نے بتایا کہ مونس الٰہی نے زمان پارک میں عمران خان، ایڈووکیٹ جنرل پنجاب اوربیرسٹرعلی ظفرسے ملاقات کی اور عمران خان سے مشورےکے بعد مونس نے انڈر ٹیکنگ بیرسٹرعلی ظفرکے حوالے کی۔
ذرائع کا کہنا ہے کہ بیرسٹرعلی ظفرنے پرویزالٰہی کی دستخط شدہ انڈرٹیکنگ عدالت میں پڑھ کرسنائی۔
خیال رہے کہ پنجاب کے وزیراعلیٰ پرویزالٰہی نے عہدے پر بحال کیے جانے پرلاہور ہائیکورٹ کو اسمبلی نہ توڑنے کی یقین دہانی کرائی ہے جس کے بعد عدالت نے گورنر بلیغ الرحمان کا حکم معطل کرتے ہوئے پرویز الٰہی اور پنجاب کابینہ کو بحال کردیا۔
