01 جنوری ، 2023 
آسٹریلیا اور کینیڈا نے بھی چین سے آنیوالے مسافروں کیلئے منفی کورونا ٹیسٹ کی شرط عائد کردی
01 جنوری ، 2023
چین میں کورونا کیسز بڑھنے پر مختلف ممالک تشویش میں مبتلا ہوگئے،وہیں آسٹریلیا اور کینیڈا نے بھی چین سےآنے والے مسافروں کیلئے منفی کورونا ٹیسٹ دکھانے کی شرط عائد کردی۔
5 جنوری سے آسٹریلیا اور کینیڈا آنے والے چین کے مسافروں کو کورونا کے منفی ٹیسٹ لازمی دکھانے ہوں گے، اس سے قبل امریکا،برطانیہ،فرانس سمیت کئی ممالک بھی اسی طرح کی پابندیاں عائد کرچکے ہیں۔
آسٹریلوی وزیرصحت کے مطابق مسافروں کو چین،مکاؤ ،ہانگ کانگ سے روانگی کے 48 گھنٹوں کے اندرکرائے گئے کورونا کے منفی ٹیسٹ پیش کرنے کی ضرورت ہوگی۔
آسٹریلوی حکومت مسافروں کے رضاکارانہ نمونے لینے سمیت اضافی اقدامات پر بھی غور کر رہی ہے۔
دوسری جانب کینیڈا کی حکومت نے کہا ہے کہ چین کے مسافروں کیلئے منفی کورونا ٹیسٹ دکھانے کا عارضی اقدام 30 دن تک جاری رہے گا اور یہ پابندی مکاؤ اور ہانگ کانگ سے آنے والے مسافروں پر بھی لاگو ہوگی۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
2 گھنٹے پہلے
اسرائیل نے اسماعیل ہنیہ کو شہید کرنے کا اعتراف کرلیا
7 گھنٹے پہلے
