06 جنوری ، 2023 
پاکستان
جسٹس ساجدمحمود سیٹھی نے نااہلی سے متعلق درخواستوں پرفل بینچ بنانےکی سفارش کی تھی— فوٹو:فائل
لاہورہائیکورٹ میں عمران خان کی نااہلی سے متعلق کیس سماعت کیلئے مقرر
06 جنوری ، 2023
لاہور ہائیکورٹ نے سابق وزیراعظم عمران خان کی نااہلی سے متعلق کیس سماعت کیلئے مقرر کردیا۔
چیف جسٹس محمد امیر بھٹی کی سربراہی میں 3 رکنی فل بینچ 9 جنوری کو سماعت کرے گا، بینچ میں جسٹس عابد عزیزشیخ اور جسٹس ساجد محمود سیٹھی شامل ہیں۔
ہائیکورٹ کے رجسٹرارآفس نے کیس کی سماعت سے متعلق کازلسٹ جاری کردی۔ بینچ عمران خان کی نااہلی سے متعلق دو مختلف درخواستوں پرسماعت کرےگا۔
جسٹس ساجدمحمود سیٹھی نے نااہلی سے متعلق درخواستوں پرفل بینچ بنانےکی سفارش کی تھی۔
خیال رہے کہ ایڈووکیٹ آفاق احمد نے عمران خان کو چیئرمین پی ٹی آئی کے عہدے سے ہٹوانے کی درخواست دائر کر رکھی ہے جبکہ شہری جابرعباس خان نے توشہ خانہ کیس میں عمران خان کی نااہلی کااقدام چیلنج کررکھا ہے۔
