آسٹریلیا کے سیریز ختم کرنے پر افغان کرکٹر نے احتجاجاً لیگ چھوڑ دی

افغانستان کےکرکٹر نوین الحق نے احتجاجاً بگ بیش لیگ (بی پی ایل ) چھوڑ دی۔

غیر ملکی خبر رساں ادارے کے مطابق افغان کرکٹر نوین الحق  کا کہنا ہے کہ اب یہ کہنےکا وقت آگیا ہےکہ بگ بیش لیگ میں حصہ نہیں لوں گا۔

انہوں نے کہا کہ جب تک کرکٹ آسٹریلیا بچگانہ فیصلےختم نہیں کرےگا بی بی ایل میں شرکت نہیں کروں گا، پہلے واحد ٹیسٹ میچ سے پیچھے ہٹے اور اب ون ڈے سیریز سے دستبردار ہوگئے۔

طالبان کی خواتین پر پابندیاں، آسٹریلیا افغانستان کیخلاف کرکٹ سیریز سے دستبردار

طویل مشاورت کے بعد فیصلہ ہوا کہ اس وقت افغانستان سے سیریز کھیلنا ممکن نہیں ہے: کرکٹ آسٹریلیا

انہوں نے مزید کہا کہ ایسا ملک جسے سپورٹ کی ضرورت ہےآپ ان سےخوشی کی وجہ واپس لے رہےہیں۔

واضح رہے کہ طالبان کی جانب سے خواتین پر پابندیوں کو جواز بناتے ہوئے آسٹریلیا نے افغانستان کے خلاف ون ڈےکرکٹ سیریز کھیلنے سے انکار کر دیا ہے۔

کرکٹ آسٹریلیا کے مطابق آسٹریلیا اور افغانستان کے درمیان ون ڈے سیریز مارچ میں ہونی تھی تاہم آسٹریلیا افغانستان کے خلاف ون ڈے سیریز سے دستبردار ہو گیا ہے۔