14 جنوری ، 2023 
پاکستان
مسترد جماعت کی فرمائشوں پر وزیراعظم اور آصف زرداری سرگرم ہیں اور اب بھی بلدیاتی انتخابات روکنے کی سازش ہو رہی ہے: امیر جماعت اسلامی کراچی/ فائل فوٹو
آرڈیننس لایا گیا تو عدالت میں مقابلہ کریں گے: حافظ نعیم
14 جنوری ، 2023
کراچی: جماعت اسلامی کے رہنما حافظ نعیم نے آرڈیننس لانے کی صورت میں عدالت جانے کا اعلان کردیا۔
کراچی میں ریلی سے خطاب میں حافظ نعیم نے کہا کہ مسترد جماعت کی فرمائشوں پر وزیراعظم اور آصف زرداری سرگرم ہیں اور اب بھی بلدیاتی انتخابات روکنے کی سازش ہو رہی ہے۔
انہوں نے کہا کہ تم آرڈیننس لاؤ گے ہم اس کا بھی عدالتوں میں مقابلہ کریں گے،عوام سازشیوں کو انتخابات سے بھاگنے نہیں دیں گے۔
حافظ نعیم کا کہنا تھا کہ چیف الیکشن کمشنر سن لیں! انہیں انتخابات کرانا ہوگا۔
