26 جنوری ، 2023
ایم کیو ایم پاکستان نے بلدیاتی انتخابات اور حلقہ بندیوں کے خلاف اگلے ماہ احتجاج کرنے کا اعلان کردیا۔
متحدہ قومی موومنٹ (ایم کیو ایم) پاکستان کے کنوینر ڈاکٹر خالد مقبول صدیقی کا کہنا ہے کہ احتجاج سے پہلے الیکشن کمیشن اور سندھ حکومت کو موقع دے رہے ہیں کہ اگلے ہفتے سے دوبارہ حلقہ بندیاں شروع کرائیں ، جب حلقہ بندیاں ہی نہیں تو انتخابات کی کیا قانونی حیثیت رہی۔
انہوں نے کہا کہ ایم کیو ایم کے لیے الیکشن نہیں حلقہ بندیاں اہم ہیں ، آئینی قانونی اور جمہوری طریقے سے انتخابات میں حصہ لینا چاہتے ہیں۔
ڈاکٹر خالد مقبول صدیقی کا کہنا تھا کہ اگر ہم انتخابات میں حصہ نہیں لیں گے تو الیکشن تسلیم ہی نہیں ہوں گے ۔