09 فروری ، 2023 
جان کو خطرہ، عمران خان ضمنی انتخابات کی مہم کے جلسوں میں شریک نہیں ہوں گے
09 فروری ، 2023
چیئرمین پاکستان تحریک انصاف عمران خان ضمنی انتخابات کی مہم کے دوران جلسوں میں شرکت نہیں کریں گے۔
ذرائع کے مطابق عمران خان اپنی جان کو خطرے کے پیش نظر ضمنی انتخابات کے لیے جلسوں میں خود شریک نہیں ہوں گے۔
ذرائع کا بتانا ہے کہ عمران خان سیاسی جلسوں میں براہ راست شرکت کے بجائے ویڈیو لنک کے ذریعے سے شریک ہوں گے۔
ذرائع کا کہنا ہے کہ تحریک انصاف کی سینئر قیادت کی عمران خان سے ملاقات میں اس حوالے سے حکمت عملی تیار کر لی گئی ہے۔
دوسری جانب چیئرمین پی ٹی آئی عمران خان نے زمان پارک میں صحافیوں سے گفتگو کرتے ہوئے کہا کہ پاکستان میں آئین کی بالادستی کا راستہ صرف عدلیہ کے پاس ہے۔
عمران خان کا کہنا تھا موجودہ حکومت انتخابات کرانے میں سنجیدہ نہیں، بروقت انتخابات کےانعقاد کے لیے صرف عدلیہ سے امید ہے۔
مزید خبریں :
عید کے تیسرے روز بھی کراچی کا موسم گرم رہنے کا امکان
1 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
2 گھنٹے پہلے
امریکا میں سفارتکاری: بلاول بمقابلہ بینظیر بھٹو
08 جون ، 2025
