09 فروری ، 2023 
پاکستان
فوٹو: فائل
پشاورپولیس لائنز دھماکا: حملہ آور کی ایک اور سی سی ٹی وی فوٹیج سامنے آگئی
09 فروری ، 2023
پشاورپولیس لائنز دھماکے کے خودکش حملہ آور کی ایک اور سی سی ٹی وی فوٹیج سامنے آ گئی ہے۔
سی سی ٹی وی فوٹیج میں حملہ آور کو رنگ روڈ پر اپنے سہولت کار کے ہمراہ موٹرسائیکل پر دیکھا جاسکتا ہے۔
سی سی ٹی وی فوٹیج میں دیکھا جا سکتا ہے کہ سہولت کار موٹرسائیکل چلارہا ہے جبکہ حملہ آور پیچھے بیٹھا ہے، حملہ آور اور سہولت کار کے ساتھ ایک بیگ بھی پڑا نظر آرہا ہے۔
تحقیقاتی ٹیم کا کہنا ہے کہ سہولت کار پیرزکوڑی پل پر حملہ آور سے الگ ہوا، موٹرسائیکل پر پڑا ہوا بیگ سہولت کار اپنے ساتھ لے گیا۔
واضح رہے کہ 30 جنوری کو پشاور کے پولیس لائنز مسجد کے پرانے مین ہال میں خودکش دھماکا ہوا تھا جس کے نتیجے میں 84 افراد شہید ہوئے۔
