11 فروری ، 2023 
6 گیندوں پر 6 چھکوں کا اتفاق ہر بار نہیں ہوتا، کوشش ہوگی فارم برقرار رکھوں: افتخار
11 فروری ، 2023
کوئٹہ گلیڈی ایٹرز کے مڈل آرڈر بیٹر افتخار احمد پاکستان سپر لیگ (پی ایس ایل) میں بھی بنگلادیش پریمیئر لیگ (بی پی ایل) جیسی فارم کو جاری رکھنے کے لیے پرامید ہیں۔
جیو نیوز سے گفتگو کرتے ہوئے افتخار احمد کا کہنا تھا کوشش ہو گی کہ بی پی ایل اور ٹی 10 لیگ جیسی کارکردگی پی ایس ایل میں بھی دکھاؤں۔
ان کا کہنا تھا گزشتہ دو سال سے کوئٹہ گلیڈی ایٹرز کی کارکردگی اچھی نہیں رہی، کوشش ہو گی اپنی بہترین فارم کو برقرار رکھوں اور کوئٹہ کو کامیاب کراؤں۔
پی ایس ایل کے نمائشی میچ میں وہاب ریاض کو 6 چھکے لگانے سے متعلق سوال پر افتخار احمد کا کہنا تھا وہاب ریاض کا شمار بہترین بولرز میں ہوتا ہے، پی ایس ایل میں بولنگ کا معیار سب سے اچھا ہوتا ہے اس لیے 6 گیندوں پر 6 چھکوں جیسا اتفاق ہر بار نہیں ہوتا لیکن 6 چھکوں کے بعد ان سے امیدیں بھی زیادہ ہو گئی ہیں۔
مڈل آرڈر بیٹر کا کہنا تھا پی ایس ایل میں پورے فوکس کے ساتھ میدان میں اترنا پڑتا ہے، اپنی کارکردگی سے کوئٹہ گلیڈی ایٹرز کو فائنل جتوانے کی کوشش کروں گا۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
6 گھنٹے پہلے
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
