20 فروری ، 2023 
پنجاب اورپختونخوا اسمبلیوں کے اسپیکرز نے الیکشن کی تاریخ کیلئے سپریم کورٹ سے رجوع کرلیا
20 فروری ، 2023
پنجاب اور خیبرپختونخوا اسمبلیوں کے اسپیکرز نے الیکشن کی تاریخ کے اعلان کیلئے سپریم کورٹ سے رجوع کرلیا۔
پنجاب اسمبلی کے اسپیکر سبطین خان اور خیبرپختونخوا اسمبلی کے مشتاق غنی نے سپریم کورٹ میں مشترکہ درخواست دائر کی۔
درخواست میں صوبائی گورنرز، الیکشن کمیشن اور صدرمملکت، وزارت قانون، پارلیمانی امور،کے پی اورپنجاب حکومتوں کو فریق بنایا گیا ہے۔
درخواست میں مؤقف اختیار کیا گیا ہے کہ اسمبلیوں کی تحلیل کو ایک ماہ سے زیادہ وقت گزرچکا ہے، گورنرز آئین کے مطابق انتخابات کی تاریخ کا اعلان نہیں کررہے۔
درخواست گزار نے کہا ہے کہ انتخابات کرانا الیکشن کمیشن کی ذمہ داری ہے۔
درخواست میں استدعا کی گئی ہے کہ سپریم کورٹ صوبائی گورنرز کو انتخابات کی تاریخ کے اعلان کا حکم دے۔
