04 مارچ ، 2023 
پاکستان
ڈاکو گھر سے 35 تولے سونا، نقدی اور دیگر سامان لوٹ کر فرار ہو گئے، ڈاکوؤں نے مزاحمت پر گھر والوں کو تشدد کا نشانہ بھی بنایا۔ فوٹو فائل
کراچی میں ڈکیتی، ڈاکو فیملی کو یرغمال بناکر گھر کا صفایا کر گئے
04 مارچ ، 2023
کراچی کے علاقے اسکیم 33 میں ڈکیتی کے دوران ڈاکو فیملی کو یرغمال بنا کر گھر کا صفایا کر گئے۔
واردات میں ڈاکو گھر سے 35 تولے سونا، نقدی اور دیگر سامان لوٹ کر فرار ہو گئے۔
پولیس کا کہنا ہے کہ ڈاکوؤں نے گھر والوں کو رسیوں سے باندھا اور مزاحمت پر تشدد بھی کیا، واردات کا مقدمہ تھانا سہراب گوٹھ میں درج کر لیا گیا ہے۔
پولیس حکام کے مطابق سی سی ٹی وی کی مدد سے تحقیقات کا آغاز کر دیا گیا ہے۔
