07 مارچ ، 2023 
پاکستان
عورت مارچ انتظامیہ کے سوشل میڈیا اکاؤنٹس پرکوئی متنازع بیان اپ لوڈ نہیں ہوگا: عدالت کا حکم—فوٹو: فائل
لاہور میں عورت مارچ کی اجازت مل گئی
07 مارچ ، 2023
لاہور میں عورت مارچ نادرا آفس شملہ پہاڑی سے لیکر مقامی ہوٹل تک دوپہر 2 بجے سےشام 6 بجے تک ہوگا۔
لاہور ہائیکورٹ میں عورت مارچ کی اجازت کیلئے درخواست پر سماعت ہوئی۔ جسٹس انوار حسین نے عورت مارچ منتظمین کی درخواست پر سماعت کی۔
عورت مارچ منتظمین اور ڈپٹی کمشنر نے میٹنگ کے بعد عدالت کو آگاہ کیا کہ عورت مارچ نادرا آفس شملہ پہاڑی سے لیکر مقامی ہوٹل تک ہوگا۔
عورت مارچ دوپہر 2 بجے سے لیکر شام 6 بجے تک ہوگا۔ عدالت نے حکم دیا کہ عورت مارچ انتظامیہ کے سوشل میڈیا اکاؤنٹس پرکوئی متنازع بیان اپ لوڈ نہیں ہوگا اور مارچ میں آئین پاکستان کے خلاف کوئی اقدام نہ کیا جائے۔
