11 مارچ ، 2023 
پاک افغان سیریز کیلئے کن اہم کھلاڑیوں کو آرام دیا جائیگا؟ قومی ٹیم کا اعلان کل متوقع
11 مارچ ، 2023
افغانستان کے خلاف سیریز کے لیے پاکستان کے ٹی ٹوئنٹی اسکواڈ کا اعلان پیر کو متوقع ہے۔
ذرائع کے مطابق کپتان بابر اعظم اور محمد رضوان کو آرام کرانے پر اتفاق ہوا ہے جبکہ حارث رؤف کو بھی آرام دیے جانے کا امکان ہے۔
ذرائع کا کہنا ہے کہ پی سی بی آرام کرانے کے حوالے سے ردعمل کا جائزہ لے رہا ہے، تینوں کرکٹرز کو آرام صرف افغانستان کے خلاف سیریز تک محدود ہونے کا امکان نہیں، انہیں نیوزی لینڈ کے خلاف بھی ٹی ٹوئنٹی ہوم سیریز میں آرام دیے جانے پر غور کیا جا رہا ہے۔
صائم ایوب، اعظم خان، احسان اللہ اسکواڈ میں شامل ہوں گے جبکہ آل راؤنڈر عماد وسیم کی بھی اسکواڈ میں واپسی کا امکان ہے۔
ذرائع نے بتایا کہ شاہین آفریدی سے کپتانی کے حوالے سے بات چیت بھی ہو گئی ہے، فارم اور پی ایس ایل میں اچھی قیادت کے باعث شاہین آفریدی کو وائٹ بال کے نائب کپتان شاداب خان پر ترجیح دی جا رہی ہے۔
پاکستان نے افغانستان کے خلاف شارجہ میں تین ٹی ٹوئنٹی میچز کی سیریز کھیلنی ہے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
