22 مارچ ، 2023 
پاکستان
سلیم کھتری کو نیو کراچی سیکٹر فائیو جی میں گھر کے قریب حملے کا نشانہ بنایا گیا: پولیس/ فوٹو جیونیوز
نیو کراچی میں فائرنگ سے اہلسنت والجماعت کے مقامی رہنما سلیم کھتری جاں بحق
22 مارچ ، 2023
کراچی: اہلسنت والجماعت کراچی کے مقامی رہنما اور صوبائی قانونی مشیر سلیم کھتری قاتلانہ حملے میں جاں بحق ہوگئے۔
پولیس کے مطابق سلیم کھتری کو نیو کراچی سیکٹر فائیو جی میں گھر کے قریب حملے کا نشانہ بنایا گیا۔
پولیس کا کہنا ہےکہ سلیم کھتری کو 5 گولیاں لگیں اور انہیں شدید زخمی حالت میں عباسی شہید اسپتال منتقل کیا گیا جہاں ڈاکٹرز کی ان کی موت کی تصدیق کردی۔
ترجمان اہلسنت والجماعت کے مطابق مقتول اہل سنت و الجماعت کراچی ڈویژن کے رہنما اور صوبائی قانونی مشیر تھے۔
ایس ایس پی سینٹرل معروف عثمان کے مطابق مقتول بلال کالونی تھانے کی حدود نیو کراچی سیکٹر فائیو جی میں پان کی دکان پر کھڑے تھے کہ کے موٹر سائیکل پر آنے والے چار ملزمان نے انہیں نشانہ بنایا۔
