03 اپریل ، 2023 
پشاور سے جدہ کے مسافر کے قبضے سے پونے دو کلو ہیروئن برآمد
03 اپریل ، 2023
ائیرپورٹس سکیورٹی فورس ( اے ایس ایف) کے عملے نے پشاور ائیر پورٹ پر کارروائی کرتے ہوئے جدہ کے مسافر کے قبضے سے پونے دو کلو گرام سے زائد آئس ہیروئن برآمد کرلی۔
اے ایس ایف ترجمان کے مطابق مسافر حیات اللہ جدہ جانے کے لیے پشاور انٹرنیشنل ائیرپورٹ پر پہنچا تھا کہ اے ایس ایف کے عملے نے سامان کی اسکیننگ کے دوران بیگ میں ہیروئن کی نشاندہی کی۔
مذکورہ منشیات بیگ میں کمال مہارت سے چھپا رکھی تھی ، تاہم اے ایس ایف کے عملے نے سامان کی تلاشی کے دوران 1.896 کلو گرام آئس ہیروئن برآمد کر کے اس کی اسمگلنگ کی کوششں نا کام بنا دی۔
اے ایس ایف ترجمان کے مطابق ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اینٹی نارکوٹکس فورس حکام کے حوالے کر دیا گیا ہے۔
