03 اپریل ، 2023 
پاکستان
فوٹو: رپورٹر
کراچی ائیرپورٹ سے جیب کترا رنگے ہاتھوں پکڑا گیا
03 اپریل ، 2023
کراچی کے جناح انٹرنیشنل ائیرپورٹ پر کارروائی کے دوران اے ایس ایف کے عملے نے ایک جیب کترے کو رنگے ہاتھوں پکڑ لیا۔
ائیرپورٹ ذرائع کے مطابق ملزم عبدالجبار اس سے پہلے بھی کراچی ائیرپورٹ پر مسافروں کی جیبیں کاٹنے میں ملوث رہا جبکہ ملزم پر اس سے پہلے کراچی ائیرپورٹ پر موبائل فون چوری کرنے کا بھی الزام ہے۔
ذرائع کا کہنا ہے کہ اے ایس ایف ٹیم نے سی سی ٹی وی کیمروں کی مدد سے ملزم کی نگرانی کا سلسلہ جاری رکھا ہوا تھا، ملزم نے جیسے ہی مسافر کی جیب پر ہاتھ صاف کیا تو رنگے ہاتھوں پکڑ لیا گیا۔
ملزم عبدالجبار سے ائیرپورٹ پر اے ایس ایف اہلکاروں نے تفتیش کی اور ملزم کو مزید کارروائی کے لیے ائیرپورٹ پولیس کے حوالے کر دیا گیا ہے۔
