07 اپریل ، 2023 
صائم ایوب نے اپنا فیورٹ خود کو ہی قرار دیدیا
07 اپریل ، 2023
قومی کرکٹ ٹیم کے بیٹر صائم ایوب نے میڈیا سے بات چیت کرتے ہوئے کہا ہے کہ گراؤنڈ میں اترتا ہوں تو اعتماد ہوتا ہے کہ میں اچھا کھیلوں گا، انڈر 19 میں اپنا فیورٹ میں خود تھا۔
انہوں نے کہا کہ میں مستقبل میں نہیں میں حال پر فوکس کرتا ہوں، ہر فاسٹ بولر کو نیٹ پر کھیل کر انجوائے کرتا ہوں، میری کوشش ہوتی ہے کہ میں اتنا اچھا کروں کہ مجھے سب فالو کریں۔
صائم ایوب نے کہا کہ انٹرنیشنل میچز کھیلنے کا تجربہ اچھا رہا میری پاکستان ٹیم کی جانب سے کھیلنے کی خواہش پوری ہوئی، قومی ٹیم میں جو بھی رول ملے گا میں اس کیلئے تیار ہوں کوشش ہوگی کہ تیاری اس قدر اچھی ہو کہ نتائج اپنے حق میں ہوں۔
صائم ایوب نے مزید کہا کہ بابراعظم بہت اعتماد دیتے ہیں جس سے حوصلہ افزائی ہوتی ہے، ان کی کپتانی میں پی ایس ایل میں بہت انجوائے کیا،ان کے ساتھ اب تک کا سفر اچھا رہا ہے امید ہے اگے بھی اچھا رہے گا۔
ان کا کہنا تھا کہ سعید انور کی ویڈیوز دیکھی ہیں، ان کا نام ہے وہ لیجنڈ ہیں ان کی طرح بننے کی کوشش کرتا ہوں۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
