پی ٹی آئی کی پختونخوا میں انتخابات سے متعلق درخواست اعتراضات کیساتھ واپس

سپریم کورٹ میں پاکستان تحریک انصاف کی خیبرپختونخوا الیکشن کے لیے دائر درخواست اعتراضات لگا کر واپس کر دی گئی۔

رجسٹرار آفس سپریم کورٹ نے خیبر پختونخوا الیکشن سے متعلق پی ٹی آئی کی درخواست اعتراضات لگا کر واپس کر دی۔

رجسٹرار آفس کے مطابق پی ٹی آئی نے کے پی انتخابات کے لیے درخواست کی عدالتی فیس ادا نہیں کی، پی ٹی آئی نے آئینی درخواست دائر کرنے کی واضح وجوہات دائر نہیں کیں۔

سپریم کورٹ رجسٹرار آفس کی جانب سے یہ اعتراض بھی عائد کیا گیا ہے کہ پی ٹی آئی کی درخواست میں صفحات واضح نہیں ہیں، پی ٹی آئی کی کے پی انتخابات سے متعلق درخواست اعتراضات کے ساتھ واپس کی جاتی ہے۔