15 اپریل ، 2023 
یاسر عرفات کو قومی ٹیم کی کوچنگ کا خواب دکھا کر ہری جھنڈی دکھا دی گئی
15 اپریل ، 2023
اسلام آباد: یاسر عرفات کو قومی کرکٹ ٹیم کی کوچنگ کا خواب دکھا کر ہری جھنڈی دکھادی گئی۔
سابق ٹیسٹ کرکٹر یاسر عرفات کو قومی کرکٹ ٹیم کے بولنگ کوچ کی آفر کی گئی تھی، دو ماہ قبل مکی آرتھر نے یاسر کو براہ راست قومی کرکٹ ٹیم کے بولنگ کوچ بننے کی آفر کی تھی اور سابق کرکٹر نے مکی آرتھر کو قومی کرکٹ ٹیم کے لیے اپنی خدمات کی مکمل دستیابی دے دی تھی۔
ذرائع کے مطابق یاسر عرفات قومی کرکٹ ٹیم کے طویل عرصے کے لیے بولنگ کوچ بننے کے لیے تیار ہوگئےتھے جب کہ انگلینڈ میں مقیم یاسر عرفات نے سسکس کاؤنٹی اور ایلدم کالج کو استعفے کا پیغام بھی پہنچا دیاتھا۔
ذرائع کا کہنا ہے کہ حال ہی میں مکی آرتھر نے یاسر عرفات سے رابطہ کرکے بولنگ کوچ کی آفر سے معذرت کرلی،پی سی بی کے پلان میں قومی کرکٹ ٹیم کی کوچنگ کے لیے سابق پاکستانی کھلاڑی شامل نہیں ہیں۔
پی سی بی کی جانب سے مکی آرتھر کو جواب دیا گیا کہ پی سی بی صرف غیر ملکی کوچز کے ساتھ طویل مدت کانٹریکٹ کرنا چاہتاہے، ان کے پلان میں لوکل کوچز نہیں۔
تاہم مکی آرتھر کو پی سی بی نے قومی کرکٹ ٹیم کے لیے غیرملکی کوچز منتخب کرنے کے لیے مکمل اختیارات دیےہوئےہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
