02 مئی ، 2023 
بھارتی حکومت پاکستان کیساتھ کرکٹ نہیں کھیلنا چاہتی: توقیر ضیاء
02 مئی ، 2023
ایشیا کپ کے لیے پاکستان آنے پر بھارتی بورڈ کے انکار کے بعد سابق چیئر مین پی سی بی جنرل ریٹائرڈ توقیر ضیاء نے ردعمل دیا ہے۔
جیونیوز سے گفتگو کرتے ہوئے توقیر ضیاء نے کہا کہ انڈین کرکٹ بورڈ کے ہاتھ میں کچھ نہیں، تمام فیصلے بھارتی حکومت کے ہیں،انڈین حکومت پاکستان کے ساتھ کرکٹ نہیں کھیلناچاہتی، بھارتی حکومت کے انکارکے بعد حکومت پاکستان کا ردعمل انتہائی اہم ہے۔
قومی ٹیم کی کپتان سے متعلق سابق چیئرمین نے کہا کہ اس وقت بابراعظم سے کپتانی لینا زیادتی ہوگی، شروع سے کہتاہوں کہ تینوں فارمیٹ کے لیے ایک کپتان نہیں ہونا چاہیے، بابر اعظم کو دو فارمیٹ میں کپتان رکھا جائے۔
انہوں نے کہا کہ پاکستانی کوچز کی دوستیاں نبھانے والی بات سچ ہے، مکی آرتھر ڈربی شائرکےکوچ ہیں، پاکستان ٹیم کے ساتھ کیسے کام کریں گے؟پی سی بی کو مکی آرتھر کی ذمہ داریوں میں توازن رکھنا ہوگا۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
