18 مئی ، 2023 
پاکستان جونیئر ہاکی ٹیم کے اسسٹنٹ کوچ کوچنگ چھوڑ کر انگلینڈ روانہ
18 مئی ، 2023
پاکستان جونیئر ہاکی ٹیم کے اسسٹنٹ کوچ عدنان ذاکر ہاکی ٹیم کا کیمپ چھوڑ کر انگلینڈ روانہ ہو گئے۔
عدنان ذاکر نے کوچنگ کے طریقہ سلیکشن کے معاملات اور فیڈریشن سے اختلافات کی بنیاد پر ٹیم چھوڑنے کا فیصلہ کیا۔
لاہور میں میڈیا سے بات کرتے ہوئے عدنان ذاکر نے کہا کہ موجودہ سیٹ اپ میں کام کرنا مشکل تھا، میں سمجھوتہ نہیں کر سکتا تھا، اگر ایسے ہی کام کرنا ہے تو پھر پاکستان ہاکی کے معاملات درست نہیں ہو سکتے۔
عدنان ذاکر کا کہنا ہے کہ میں رضاکارانہ طور پر پاکستان ہاکی کے لیے انگلینڈ سے آیا، میں نے اپنی جیب سے ٹکٹ لیا اور پاکستان آیا۔
اسٹنٹ کوچ عدنان ذاکر نے کہا کہ ٹرائلز سے پہلے بھی چھوڑ کر گیا تھا، مجھے ائیر پورٹ سے واپس بلا لیا گیا۔
ان کا کہنا ہے کہ یقین دہانی کے باوجود کچھ نہ بدلا اور پھر سمجھوتہ نہ کرنے کا فیصلہ کیا۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
